DAXUYANÎ
“يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ”
D inava her olekê de rojên pîroz hene û di wan rojan de şahî û pîrozbahî tên kirin , ji wan rojan jî di ola Îslamê de , roja bûyîna pêxember ( Muhemed ) ku weke pêxemberê dawî yên olên ezmanî hatiye nasîn, muslimanên cîhanê bi giştî vê rojê pîroz dikin û girêdana xwe bi baweriyên xwe destnîşan dikin , bêguman hemî Ol pîrozin û cihê hurmetê ne bi armanca belavkirina Exlaq , nirx û pakiya giyanê mirovan hatine , lê belê nirxên pîroz yên Olan û ji wan jî ÎSLAM , li ser destê desthilatdar, xwînmij û dagirkeran hatine binpêkirin û ew ji rastiya wan dûr xistine, ku di dema Îro de jî, li gorî berjewendiyên xwe bikartînin û ol kirine şûreke li ser serê gelan û pê civakan ji hev dixin , pêkhate, ol, mezheb û baweriyan tînin li hember hev û qetilaman dikin , mînaka wê jî , komkujiyên li şingal 2014 , ku bi hezaran jinên kurd yên ola Îzîdî sebî kirin û li bazaran firotin, komkujiyên Efrîn 2018, komkujiyên li dijî elewî û durziyan di 2025 de, ku tevde jî li ser navê bilindkirina dengê xwedan pêk anîne .
Lewra bi boneya roja jidayikbûna pêxemberê Îslamê hezretî ( muhemed ) û ji bo rêzgarkirina ola pîroz ji destê dagerker, xwînmij û desthilatdaran, pêwiste pênasekirina rastiya civakî û dîrokî ji îslamê re û pirensîpên azadî, demoqrasî û wekheviya civakî û şêwra ku têye wateya rexne û rexnedayînê were kirin, ango weke rêber Ocelan destnîşan kiriye ku pêwiste pênasekirina Îslama rast were kirin ku “ew tekoşîna rûhiye li himber hêzên şerxwaziyê“ lewra pêwiste desthilatdariya li ser ol ku dikeve xizmeta berjewendiyên xwînmij û desthilatdaran de rabe û vegere Îslameke civakî, demoqrat û di xizmeta biratiya hemî gelan de.
Weke tevgera civaka demoqratîk TEV-DEM bi vê boneyê , em tevaya musilmanên bakur û rojhilatê sûriyê , Sûriyê , kurdistan û cîhanê pîroz dikin û em bang dikin ku OL û bi taybet ola Îslamê bibe wesîleya hevsengî , aramî û aştiyê di nava hemî pêkhate û gelan de û bi xwedîderketina li nirxên pêxember hezretî (muhemed) xwedî li destkeftiyên gelan di bakur û rojhilatê sûriyê de derkevin, bibin şûrê rastiyê di rûyê talankerên nirxên pîroz yên olan, ku li ser navê ola Îslamê komkujiyan dikin.
Dûbare roja ji dayîkbûna hezretî ( Muhemed) li tevaya musilmanan pîroz be
Bijî biratî û hevjiyankirina baweriyan bi hev re
Bijî biratiya gelan
Tevgera civaka demoqratîk TEV-DEM