Kudistaniyên ku li Lubnanê dimînin bi boneya rojbûna Rêberê Gelê Kurd Abdullah Ocalan şehiyeke lidar xisitin. Şahî ji aliyê Kongreya Star ve hate organîzekirin. Her wiha hate destnîşankirin ku rojbûna Rêber Ocalan rojbûan hemû gelên Rojhilata Navîn e.
LUBNAN
Cihê şahiyê bi wêneyên Rêberê Gelê Kurd Abdullah Ocalan, wêneyên şehîdan û al û sembolên Kurdistanê hate xemilandin.
Şahî bi rêzgirtin hate destpêkirin. Paşê, Endama Kongreya Star Kîbar Horo, Endamê Tevgera Civaka Demokratîk (TEV-DEM) Ehmed Cizîrê, Nûnerê Rêveberiya Xweser li Lubnanê Diyar Qamişlo, Nûnerê Konferansa Ermenî ya Cîhanî Himo Miskefiyan û Endamê Tevgera Ciwanên Rojava li Lubnanê Abudlxenî Zorî axaftina hatin kirin.
Di axaftinan de rojbûna Rêberê Gelê Kurd Abdullah Ocalan li hemû gelên Kurdistanê û malbatên şehîdan hate pîrozkirin. Her wiha hate destnîşankirin ku rojbûna Ocalan rojbûna gelên Kurdistanê yê.
Her wiha hate gotin ku fikr û felsefeya Rêberê Gelê Kurd Abdullah Ocalan pêngavekî giring di dîroka gelê Kurd û gelên Rojhilata Navîn de ye û Federaliya Demokratîk a Bakurê Sûriyê jî yek ji berhemên fikrên Ocalan e .
Her wiha hate goitn ku pêwîste alîkariya gelê Efrînê yên ku ji ber êrîşên artêşa Tirk a dagirker û çeteyên wê neçar man ku dev ji warên xwe berdin, were kirin.
Di axaftinan de hate tekezkirin ku bawariya wan heta dawiyê bi şervanên YPJ/YPG û QSD` ê heye ku wê li hember êrîşên dagirkeran li ber xwe bidin û wê Efrîn ji çeteyan rizgar bikin.
Paşê Koma Welatê Rojê û koma Bêrîtan stran û dîlanên filoklorî pêşkêş kirin.
Şahî bi dirûşmeyên silavkirina berxwedan Rêberê Gelê Kurd Abdullah Ocalan bidawî bû.