Şêwira Yekîtiya Neteweyî ya Rojavayê Kurdistanê îro sibehê li bajaroka Rimêlan ya kantona Qamişlo ya herêma Cizîrê bi beşdarbûna 170 delegeyî ji partiyên siyasî, rêxistinên sivîl, kesayetên serbixwe ji herêmên Bakurê Sûriyê û Şamê dest pê kir.
Ji her partiyekî siyasî du delege, ji her saziyeke sivîl û civakî delegeyek, 34 delege ji herêma Efrînê, 20 delege ji herêma Firatê, kesayetên serbixwe ji Şamê, 22 delege ji KNK-Rojava û Hevseroka KNK`ê Nîlûfer Koç, beşdarî şêwiriyê bûne.
Di heman demê de, Hevseroka Meclîsa Damezrîner a Federaliya Demokratîk a Bakurê Sûriyê Hediye Yûsif, Hevserokên PYD`ê Eyşe Hiso û Şahoz Hesen, hevserokên berê yên PYD`ê Salih Muslim û Asya Abdullah, Sekerterê Partiya Demokratîk Pêşverû a Kurdî li Sûriyê Ebdhemîd Hec Derwîş, tevlî Şêwirya Yekîtiya Neteweyî ya Rojava ku ji aliyê KNK`ê ve tê organîzekirine, bûne.
Li gorî komîteya amadekar partî û saziyên ku tevlî şêwirê bûne ev in:
“PYD, Partiya Demokratîk Pêşverû a Kurdî li Sûriyê, Yekîtiya Lîbral a Kurdistanê, Partiya Aştiya Demokratîk, Kombûna Niştimanî ya Kurdistanê, Partiya Komînîst a Kurdistanê, Partiya Partî Demokratîk a Kurdistanê, Partiya Çep li Sûriyê, Partiya Kesek li Sûriyê, Partiya Guhartinan a Kurdistanê li Sûriyê, Partiya Nûbûn a Kurdistanê, Partiya Kedkaran a Kurdistanê, Partiya Çep Demokratîk a Kurdî, Partiya Demokratîk a Kurdî li Sûriyê (El-Bartî), Partiya Yekîtî ya Demokrat a Kurd li Sûriyê, Tevgera Islah, Partiya El-Wefaq Demorkatîk, Partiya Biratiya ya Kurdistanê, Partiya Niştimanî ya Kurdistanê, Partiya Niştimanî ya Azad a Rojava, Partiya Azadî ya Kurdistanê li Rojava, Kongreya Star, Rêxistina Sara ya Têkoşîna li Dijî Jinê, Kordînesyona Çand û Hunerê ya Rojava, Yekîtiya Nivîskarên Kurd, Mala Êzidî, Komeleya Avrîn a Jinê, Yekîtiya Rewşenbîran a Kantona Cizîrê, Meclîsa Êlan û Rûsipiyan û Yekîtiya Oldarên Musilman a Kantona Cizîrê.”