QAMIŞLO – Gelê Kantona Qamişlo, şervanê YPG`ê Serxebûn Qamişlo ku li Reqayê şehîd bibû, li Goristana Şehîd Delîl Saroxan, oxir kirin.
Bi sedan şêniyên Kantona Qamişlo cenazeyê têkoşer Wesam El-Xanim (Serxebûn Qamişlo) ji Mala Gel a taxa El-Enteriyê wergirtin û bi karwanekî berê xwe dan Goristana Şehîd Delîl Saroxan a bajarê Qamişlo.
Li goristanê, merasîma oxirkirinê, bi toraneke leşkerî ji aliyê şervanên YPG û YPJ`ê ve hate destpêkirin.
Piştî toranê, bavê şehîd Serxebûn Qamişlo, Elî Ebd El-Xanim axivî û got:”Min kurê xwe fedayî vî welatî ku cûdahî naxê di navbera gelê Kurd, Ereb û Suryan, kir. Em hemû amade ne ku di rêya şehîdan de bimeşin û xwîna xwe ji bo vî welatî bidin.”
Bi navê Meclîsa Malbatên Şehîdan, Hêvî El-Seyd jî axivî û bi xêrhatina beşdaran kir û sersaxî ji malbata têkoşer re xwest.
Cîgirê Hevserokatiya Desteya Parastinê, Ayid Îbrahîm jî axivî û destnîşan kir ku wan bi rêya şehîdan pêvajoyên hesas derbas kirine û gelê herêmê bû yek.
Piştî axaftin bi dawî bûn, wesîqeta şehadetê hate xwendin û radestî malbatê, hate kirin.
Di dawiya merasîmê de, bi dûrişmeyên dilsoziya bi şehîdan re, têkoşer Serxebûn Qamişlo li rex hevreyên xwe hate veşartin.
