Welatiyên Misilman û Suryan ên bajarê Helebê derbarê rûxandina goristanên şehîdan de, nêrînên xwe bi ANHA′yê re parve kirin.
Endamê Kombûna Kasolîk Jozêf Qebelan diyar kir ku dewleta Osmanî gelek kiryarên kuştin û qirkirinê pêk anîne û wiha got, ″Serbazê Osmanî Cemal Başa gelek siyasetmedar û rewşenbîr bi darve kirin. Îro jî dagirkeriya Tirk li herêma Efrînê qirkirina çandî pêk tîne û gorên şehîdên ku ji bo azadiya gelê Sûriyê canê xwe feda kirine, dirûxînin.″
Qebelan da zanîn ku kiryarên dagirkeriya Tirk di tu olan de nayên qebûlkirin û wiha domand, ″Dewleta Tirk a dagirker di bin navê ola îslamê de gelê Efrînê bêne kuştin?.″
Endamê Hevdîtina Olan Şêx Yehya Mehmûd jî destnîşan kir ku dewleta Tirk di dîrokê de gelê Ermen qir kir û hejmareke mezin li welatiyên Ermenî kuştin. Her wiha diyar kir ku dewleta Tirk aloziya Sûriyeyê ji bo xizmeta berjewendiyên xwe bi kar anî û hemû alavên kargehên Helebê veguhestin Tirkiyeyê.
Mihemed diyar kir ku exlaqê çeteyên artêşa Tirk a dagirker dizî, talan û rûxandine û got ku nîşaneya vê yekê rûxandina goristana Şehîd Seydo ye.
Her wiha welatiyê Suryan ê bi navê Fethellah Ebdulkerîm kiryarên dagirkeriya Tirk ên li dijî gelê Efrînê şermezar kirin û wiha domand, ″Dewleta Tirk a dagirker gelê Kurd ê Efrînê di komkujiyan re derbas kir. Her wiha mizgeft û şûnwarên dîrokî rûxandin. Em van kiryarên hovane bi tundî şermezar dikin.″
Ebdulkerîm diyar kir ku Erdogan ji xwedê natirse, jin û zarokan serjê dike, mizgeft û dêran dirûxîne.