NAVENDA NÛÇEYAN– Navenda Ragihandina YPG`ê nasnameya 2 şervanên YPGʹê yên li Reqayê û şervanekî ku ji ber topbarana Arêtşa Tirk şehîd bûne eşkere kir.
Navenda Ragihandina YPG`ê bi daxuyaniyek nivîskî nasnameya 3 şervanên YPG`ê ku du jê di hemleya rizgarkirina Reqayê de û yek jî di topbarana Artêşa Tirk a li ser herêmên Efrînê de şehîd bûne, eşker kir.
Daxuyaniya YPG`ê wiha ye:
Yekîneyên Parastina Gel (YPG ) û Yekîneyên Parastina Jin (YPJ) ji bo parastin û ewlehiya herêma Rojava û Bakurê Suriyê him li dijî çeteyên DAIŞ’ê li Reqqayê şer dikin him jî li hember armanca dewleta Tirk a dagirker û çeteyên girêdayî wî ji bo dagirkirina xaka Rojava xeta parastinê de ye.
Pêngava Rizgarkirina Reqqayê ku kete roja 73’an li çar aliyên bajarê Reqqayê şerên giran diqewim in û pêşveçûyîna şervanan didome. du rêhevalên me ku pêşveçuyîna şervanan ya Reqqayê de li hember çeteyan bi qehremanî şer kirin, gihîştine şehadetê.
Her wiha roja 15’ê Tebaxê encama topbarana dewleta Tirk a dagirker li ser gund û herêmên Efrînê de rêhevalekî me gihîştiye şehadetê.
Em weke YPG û YPJ hemû şehîdên me yên qehreman bibîr tînin û sersaxiyê ji malbatên şehîdan û gelê me re dixwazin. Me çawa ku roja destpêkê ve soza parastina xaka xwe kir, em li ser vê soza xwe ne û berdêlê vê çi dibe bila bibe emê wek hertim li ser soza xwe bin.
Nasnameyên pakrewanan wiha ye:
Nasnav: Egîd Dilxwaz
Nav û Paşnav: Egîd Şêxo
Navê Dayikê: Firyal
Navê Bav: Mihemed
Cihê Ji Dayikbûnê: Efrîn
Cih û Dîroka Şehadetê: Efrîn / 15 Tebax 2017
Nasnav: Esmer Hesekê
Nav û Paşnav: Mihemed Hesen
Navê Dayikê: Qedriye
Navê Bav: Ebdilcebar
Cihê Ji Dayikbûnê: Amudê
Cih û Dîroka Şehadetê: Reqqa / 14 Tebax 2017
Nasnav: Koçer Amudê
Nav û Paşnav: Xelîl Şêx Elî
Navê Dayikê: Edle
Navê Bav: Hisên
Cihê Ji Dayikbûnê: Amudê
Cih û Dîroka Şehadetê: Reqqa / 14 Tebax 2017