Ciwanên Reqayê amadekariyên konferansa xwe ya 1’emîn dikin

Endamê Komîteya Amadekar a Konferansa Yekemîn a Ciwanên Reqayê Mihemed Xabûr diyar kir ku, armanca konferansê avakirina meclîsa ciwanan û rêxistinkirina wan e.

Komîteya Amadekar a Konferansa Ciwanên Reqayê amadekariya Konferansa xwe ya yekemîn  ku di 29’ê Hezîranê dê were li darxistin, amadekariyan dike.

Di hevdîtinek bi ajansa Hawarê re Endamê Komîteya Amadekar Mihemed Xabûr  di derbarê amadekariyê Konferansê wiha got:” Di civîna yekemîn a ciwanên Reqayê de, endamên komîteyên amadekar û rêxistinî hatin hilbijartin. Komîte li ser girîngiya û rola Konferansê di rêxistinkirina ciwanan de, civînan li dar dixe”.

Xabûr diyar kir ku armanca Konferansê ew e ku hemî ciwanên Reqayê xwe rêxistin bikin û rola xwe di civakê de aktîv bikin.

Di dawiya axaftina xwe de Xabûr banga vegera welat li ciwanên derve kir û wiha got:” îro welat bi hewcedariya ciwanan e, divê hemî ciwan vergerin welat û tevlî Konferansa Ciwanên Reqayê bibin”.

Check Also

TEV-DEM’ê cejna Qurbanê pîroz kir: Veger ji vebijêra rizgarkirina Efrînê tune ye

Desteya Rêveberiya Tevgera Civaka Demokratîk (TEV-DEM) cejna Qurbanê li hemû gelê Sûriyeyê û gelê Kurd …

Leave a Reply

Your email address will not be published. Required fields are marked *