Leşkerên Tirk li ser sînorê di navbera Kantona Girê Spî û Bakurê Kurdistanê du ciwan, malbatên herdû ciwanan bang civaka navneteweyî kir ku kiryarên dagirkeriya Tirk ên li dijî gelê Sûriyê rawestîne.
GIRÊ SPÎ
Malbatên hersê ciwanan ji ANHAʹyê re dane xuyakirin ku zarokên wan ji bo kar xwestin sînor derbas bikin û li Tirkiyeyê bixebitin. Her wiha dane zanîn ku leşkerên Tirk bi awayekî hovane ciwan îşkence kirin. Di encamê de du ciwanan jiyana xwe ji dest dan. Her wiha leşkeran hemû tiştên li gel ciwanan desteser kirin û cenazeyên herdû ciwanên kuştî avêtin nava axa Rojavayê Kurdistanê.
Ciwanê birîndar ê bi navê Ebdulkerîm Ferhan jî xwe gihand gundekî nêzî sînor û şêniyên gund alîkariya wî kirin.
Bavê ciwanê kuştî ê bi navê Zayid, Ebdullah Mixêlis got ku kurê wî ji bo kar berê xwe da Tirkiyeyê û bi awayekî hovane ji aliyê leşkerên Tirk ve hat kuştin.
Ebdullah di berdewama axaftina xwe de got ku kiryarên dewleta Tirk ên li dijî gelê Sûriyê dûrî nirxên mirovahiyê ne. Her wiha bang li NY û civaka navneteweyî kir ku derbarê van kiryaran de hesab ji Tirkiyeyê bixwazin.