Endamê Partiya Çep a Kurd li Sûriyê Hemîd Şêxmûs diyar kir ku hin kesayetên di nava ENKS’ê de bi piştgiriya xwe ya bi dagirkiriya dewleta Tirk a dagirker re navê xwe di lîsteya xayînan a rûpelên dîroka kurdî de nivîsandin.
HESEKÊ
Şêxmûs di destpêka axaftina xwe de got dewleta Tirk ji bo qaşo rêveberiya Efrînê meclîs avakirine û wiha dom kir: “ew tenê ji hin endamên ENKS’yê yên bi xeta xwe û gelê kurd re îxanet kirine pêk tê. Ev karê van kesayetan wê di lîsteya xayînan di dîroka gelê kurd were nivîsandin.”
Hemîd Şêxmûs derbarê bê dengiya civaka navdewletî ya derbarê kiryarên dewleta Tirk a li Efrînê wiha got: “Bê dengiya civaka navdewletî nîşan dide ku ew jî cihê xwe di êrîşên ku bi dehan zarokên bê gueh di encamê de jiyana xwe ji dest dan e digirin.”
Endamê Partiya Çep a Kurd li Sûriyê Hemîd Şêxmûs di dawiya axaftina xwe de destnîşan kir ku armanca dewleta Tirk ne tenê dagirkirina Efrînêye lê belê ew ê dîmbografya herêmê didin guhertin û malbatên çeteyên girêdayî Tirkiyê li Efrînê bi cih dikin.