حركة المجتمع الديمقراطي

Li Helebê Meclisa Rûspiyan hate avakirin

119

Meclisa Sûriyeya Demokratîk (MSD) bi armanca avakirina Meclisa Rûspiyan li taxa Şêxmeqsûd civînek li dar xist.

Avakirina Meclisa Rûspiyan bi armanca çareserkirina nakokiyên civakî û avakirina civakeke li ser bingehê jiyana hevbeş û biratiya gelan tê.

Civîn bi deqeyeke rêzgirtinê dest pê kir. Paşê Rêveberê Buroya Rêxitinî ya MSD‘ê Bedran Hemo mekanîzmeya Meclisa Rûspiyan şîrove kirin.

Bedran destnîşan kir ku meclis ji 9 endaman ji hemû êlên taxê pêk tê.

Di dawiya civînê de hilbijartin hatin kirin, Şêx Ehmed El-Qureyşî wekî mûxatibê meclisê û Fatima El-Hesen û Xelîl Cafer ê ji Kurd, Cûma El-Hemdû ê ji êla Begara, Umer Mihemed El-Umer ê ji êla Demaxa, Ehmed Bekir ji êla Mardelî, Jorj  ji Xiristiyan û Elî Zeydî ji malbata Beyanon û Xelef Îbrahîm ji malbata Benawî wekî endam hatin hilbijartin.