حركة المجتمع الديمقراطي

Tevlîbûna nava Meclîsa Leşkerî ya Minbicê zêde dibe

91

MINBIC

Akademiya Leşkerî ya Şehîd Feysel Ebû Leyla ya bajarê Minbicê dewreyeke perwerdeyê ji şervanên Meclîsa Leşkerî ya Minbicê re bi merasîmekê bidawî kir. Fermandarên Meclîsa Leşkerî ya Minbicê û fermandarên QSD`ê beşdarî merasîma bidawîkirina dewreyê bûn.

Dewreya Şehîd Nayid El-Setûf bi tevlîbûna 165 şervanî hatibû destpêkirin û 15 rojan dewam kir.

Dewreya perwerdeyê 15 rojan dewam kir. Di dewreyê de dersên birdozî û leşkerî hatin dayîn.

Di merasîma bidawîkirina dewreyê de, şervanan toreneke leşkerî lidar xistin.

Paşê yek ji fermandarên QSD`ê Mîtan Qamişlo axivî, bidawîkirina dewreyê li hemû şervanan pîroz kir û bang li her kesî kir ku erka xwe li hember parastina gel, welat û hemû êrîşên derve pêk bînin.

Di dawiyê de şervanan soza leşkerî dan û gotin ku ew ê heta dawiyê li ser riya şehîdên xwe bimeşin û parastina deskeftiyên xwe bikin.

Merasîma bidawîkirina dewreyê bi dirûşmeyên dilsoziya bi şehîdan re bidawî bû.