حركة المجتمع الديمقراطي

Yekemîn navenda şûştina gurçikan li Kobanê hate vekirin

65

KOBANÊ

Desteya Tenduristî ji bo ku hêsaniya çûn û hatinê li ber şêniyên ku diçin gurçikên xwe dişon kêm bike, navenda şûştina gurçikan di 11`ê Adarê li gundê Helnicê yê rojhilatê bajarê Kobanê vekir.

Di navendê de holeke mezin û 3 alavên şûştina gurçikan û dermanên taybet bi nexweşiyê hene.

Di heftiyê de nexweş du caran bê pere gurçikên xwe dişo in.

Di vê çarçoveyê de yek ji nexweşên gurçikan Mistefa Hemdî ji ajansa me ANHA`yê re wiha axivî,”Beriya ku navenda şûştina gurçikan were vekirin ji ber ku ez pir diêşiyam ez neçar dimam ku biçim Helebê yan Qamişlo. Lê vekirina navendê min gelek sûd jê wergirt û di heman demê de di aliyê madî jî bû alîkar.ʺ

Hemdî spasiya Desteya Tenduristî kir ku ji ber ku navend ji wan re vekir û hêviya serkeftinê ji wan re xwest.

Ji aliyê xwe ve Dr. Ehmed Mehmûd diyar kir ku ji bo êşa nexweşan kêm bikin navend vekirin. Her wiha Ehmed Mehmûd destnîşan kir ku ew nexweşan bê pere derman dikin û hewil didin ku hîn ji vî aliyê pêş bixin.