حركة المجتمع الديمقراطي

Jinên Hesekê: Tecrîda li ser Ocalan girêdana me bi fikrê wî re zêde dike

75

HESEKÊ

Jinên Hesekê debarê tecrîda li ser Rêberê Gelê Kurd Abdulah Ocalan ji ajansa me re axivîn û ne razîbûn nîşan dan. Jinan diyar kirin ku wê tu carî girêdana wan bi fikir û felsefeya Ocalan re kêm nebe. Jinan di heman demê de siyasetên dewleta Tirk ên guhertina demografiya herêma Efrînê jî ne razîbûn nîşan dan û gotin ku wê deweleta Tirk tu carî îradeya gelê herêmê têk nebe.

Jina bi navê Helîma Ehmed derbarê mijarê de got ku Rêberê Gelê Kurd Abdulah Ocalan  tekane rêberê ku bi azadiya jinan bang kir û ji bo azadiya wê tekoşîn da meşandin.

Helîma her wiha bang li dewletên cîhanê û rêxistinên mafê mirovan kir ku destwerdanê bikin û dawî li tecîrîda ku dewleta Tirk li ser Ocalan feriz kiriye, bîn in.

Jina bi navê Meryem Ehmed jî derbarê mijarê de got ku dewleta Tirk ji belavbûna Firkê Ocalan ditirse û ev tişt anî ziman: “Dewleta Tirk çi bike, bela bike, wê nikaribe gel ji fikrê Ocalan dûr bixe. Em ê çalakiyên xwe yên ji bo azadiya Ocalan bidomîn in. Dewleta Tirk li her derê şerê destkeftiyên gelê kurd dike, li Efrînê jî demografiya herêmê dide guhertin û çeteyan û malbatên wan li wir bi cih dike.”

Jina suryanî ya bi navê Newal Selûm derbarê mijarê de got ku Ocalan nûnertiya hemû gelê herêmê dike û wiha dom kir: “Ocalan ji bo azadiya jinan tekoşînek mezin daye meşandin. Em wekî welatiyên suryanî banga dawîkirina tecrîdê dikin.”

Newal di dawiya axaftina xwe de jî ev tişt anî ziman: “Dewleta Tirk a dagirker dixwaze hemû Rojhilata Navîn dagir bike, lewma kiryarên derexlaqî pêk tîne, dixwaze serdema Osmaniyan vegerîne. Ji ber vê yekê jî li dijî gelê herêmê komkujiyan pêk tîn e.”