حركة المجتمع الديمقراطي

Hêza Parastina Jin li Qamişlo navenda xwe vekir

129
Hêza Parastina Jin navenda xwe ya Şehîd Gulan li bajarê Qamişlo vekir. Endama Rêveberiya Parastina Jin Eyşe Yusif diyar kir ku armanca wan parastina taxên xwe û jinan e.
QAMIŞLO
Hêza Parastina Jin navenda xwe ya Şehîd Gulan li bajarê Qamişlo vekir. Navend li taxa Xerbî hat vekirin. Saziyên Rêveberiya Xweseriya Demokratîk û gelê Qamişlo tevlî vekirina navnedê bûn.
Di vekirinê de posterên Rêberê Gelê Kurd Abdullah Ocalan, alên YPJ/YPGʹê û Parastina Jin li ber avahiya navnedê hatin daliqandin. Deriyê navendê ji aliyê dayîk û bavê şehîd Gulan Gulo ve hat vekirin.
 ‘Armanca me parastina jinê ye’
Li ser vekirin û armanca  vekirina  navnedê, Endama Rêveberiya Parastina Jin Eyşe Yûsif agahî da Ajansa ANHA’yê. Eyşe di serî de vekirina Navenda Parastina Jin a Şehîd Gulan li hemû jinan pîroz kir û diyar kir ku ji bo welat hebûna parastina jinê girîng e. Eyşe destnîşan kir ku çawa hêzên leşkerî hebûna welat diparêze, hêza cewherî di nava civakê de girîng e û wiha axivî, “Armnanca me parastina tax û hundirê welatê me ye. Dema jin vê hêzê dibînin, çavê wan jî vedibe û dizanin ku hêzek li gel wane. Ji ber ku karê Parastina Jin, jinê diparêzin.”
Vekirina navendê bi şahiyekê bi dawî bû.