حركة المجتمع الديمقراطي

Tirkiye biryarên Konseya Ewlehiyê li gorî xwe şîrove dike

68

Rojnameyên Erebî yên îro hatine çapkirin behsa şîroveya Tirkiyeyê ji biryara Konseya Ewlehiyê ya agirbesta li Sûriyeyê kirin û diyar kirin ku armanc ji agirbesta rojane ya Rûsyayê li Xota ew e ku welatiyên sivîl bêne derxistin. Hikûmeta Bexdayê qedexekirina balefiran li herêma Kurdistanê dirêj kir.

Agirbesta lawaz û Fransa banga danîna rêbazên çavdêriyê kir

Girêdayî mijara aloziya Sûriyeyê û biryara Konseya Ewlehiyê ya agirbesta li Sûriyeyê û hêzên rêjîmê û komên çekdar ên li Xota di derbarê şikandina agirbestê de hevûdu tewanbar dikin. Tirkiye jî li gorî xwe biryara Konseya Ewlehiyê şîrove dike.

Girêdayî mijarê rojnameya El-Heyat du manşêtên xwe wiha bi nav kirin: “Agirbesta Rûsyayê kambaxiya li Xota çareser nekir.”, “Rûsya agirbesteke temam dûr dibîne.. Fransa jî banga danîna rêbazên çavdêriyê kir.”

Komên çekdar amade ne Cebhet El-Nusra ji Xota derbixînin

Rojnameya El-Ereb manşêteke xwe wiha bi nav kir: “Agirbesta Rûsya li Xota dudilî ye da ku opozîsyonê neçar bike”. Rojnameya El-Qudis El-Erebî jî gotaeke xwe wiha bi nav kir: “Çekên kîmyawî yên Koriya Bakur ji rêjîma El-Esed re.. Rûsya hişyariya wergirtina opozîsyonê ji çekên dij-balefiran ên Emerîkî dike.”

Rojnameya Şerq El-Ewsat jî du gotarên xwe wiha bi nav kirin: “Tewanbarkirina hevûdu ya topbarana korîdora mirovahiyê”, “Agirbesta lawaz li Dîmeşqê û komên çekdar amade ne El-Nusra derbixînin.”

Tirkiye biryarên navnetewî li gorî xwe şîrove dike

Rojnameya El-Heyat behsa şîroveya Tirkiyeyê ji biryara Konseya Ewlehiyê ya agirbesta li Sûriyeyê kir û manşêteke xwe wiha bi nav kir: “Tirkiye êrîşa xwe girêdayî agirbestê nabîne”.

Girêdayî mijara Îraqê rojnameya El-Qudis El-Erebî gotareke xwe wiha bi nav kir: “Hewlêr dirêjkirina qedexeya li ser balefiran weke siyasî binav dike”. Rojnameya El-Heyat jî wiha got: “Hewlêr Bexdayê tewanbar dike ku Kurdan bi komî ceza dike.” El-Heyat di gotareke xwe ya din de jî wiha got: “Biloka Kurdî ya parlemana Îraqê dengdayîna îro ji bo budceyê dûr dibîne.”

Rojnameya El-Qudis El-Erebî di gotareke xwe ya din de wiha got: “Kerkûk: Namzetên hilbijartinan û navendên siyasî tên armanc girtin.. metirsiya mezinbûna êrîşan zêde dibe.” Rojaneya El-Heyat jî wiha got: “DAIŞ êrîş navendeke Cebhe El-Turkmeniyê û beneke kontrolê ya Heşid El-Şehbî li Kerkûkê dike.”

Rojnameya Şerq El-Ewsat jî di gotareke xwe de wiha got: “DAIŞ ji aloziya bêbaweriyê di navbera pêkhateyên Kerkûkê de sûd werdigire.”