حركة المجتمع الديمقراطي

Cenazeyên 3 şervanên Meclîsa Leşkerî ya Minbicê hatin veşartin

133
 

MINBIC – Welatiyên bajarê Minbicê 3 şehîdên hemleya rizgkarkirina Reqayê bi merasîmeke bi heybet oxir kirin.MINBIC-MERASIME-SEHIDA ‫(1)‬ ‫‬

Bi sedan welatiyên bajarê Minbicê cenazeyên 3 şervanên Meclîsa Leşkerî ya Minbicê ″Nedîm Salih (Ebû Ezîz), Ibrahîm Hec Mehmûd (Amerîkî) û Cuma Hisên ji nexweşxaneya Firatê wergirtin û ber bi goristana şehîdan ve ketin rê. Welatiyan alên Yekîtiya Ciwanên Ereb û Meclîsa Leşkerî ya Minbicê  û wêneyên şehîdan, hildan.

Di merasîma oxirkirinê de Hevserokê Meclîsa Leşkerî ya Minbicê Farûq El-Maşî, Hevserokê Komîteya Hundirîn Ebdo Mustefa, Hevserokê Komîteya Karê Derve Şêx Elî Cemîlî, Hevseroka Komîteya Parastinê Nofa Silêmann û Endamên saziyên bajêr, amade bûn.MINBIC-MERASIME-SEHIDA ‫(175571460)‬ ‫‬

Li goristanê merasîma oxirkirinê bi toraneke leşkerî ji aliyê şervanên Meclîsa Leşkerî ya Minbicê ve dest pê kir. Piştre Hevseroka Saziya Malbatên Şehîdan Kefaa Elî, Berdevkê Fermî yê Meclîsa Leşkerî ya Minbicê Şervan Derwîş û Hevserokê Meclîsa Zagonsaz Farûq El-Maşî axivîn.

Axaftvanan sersaxî ji malbatên cangoriyan re xwestin û banga hevgirtinê li gelên herêmê kirin da destkeftiyên şehîdan bêne parastin.

Di dawiyê de nasnameyên têkoşeran hatin xwendin, radestî malbatên wan hatin kirin û cenazeyên wan di nava dirûşmeyên ″Şehîd namirin″ û tîlîliyên dayîkan de hatin veşartin.