حركة المجتمع الديمقراطي

Bi merasîmeke heybet têkoşer Cayan Batman hat veşartin

104

EFRÎN – Bi sedan şêniyên Kantona Efrînê şervanê YPG`ê Arcan Atkîn (Cayan Batman) ku di bersivdayîna êrîşên artêşa Tirk a dagirker li ser gundên Efrînê di 16`ê Tebaxê de şehîd bibû, li Goristana Şehîd Seydo ya Kantona Efrînê, oxir kirin. EFRIN-MERASIMA-SEHID-CAYAN1 ‫(149029382)‬ ‫‬

Bi sedan şêniyên Kantona Efrînê, şervanên YPG, YPJ, nûnerên Desteya Parastinê, Tevgera Civaka Demokratîk, Kongreya Star û Meclîsa Malbatên Şehîdan, cenazeyê Cayan Batman ji Nexweşxaneya Avrîn wergirgirtin û bi karwanekî berê xwe dan Goristana Şehîd Seydo ya herêma Cindirêsê.

Li goristanê, şervanên YPG û YPJ`ê toraneke leşkerî lidar xistin. Paşê, ji Fermandarên YPG`ê Ferzendh Efrîn, Endamê Komîteya Piştgiriya bi Malbatên Şehîdan Şervan Hesen û dayîka şehîd  Canxort, Asya Ebdo, axivin. Axaftvanan sersaxî ji malbata şehîd re xwestin û soza şopandina rêya şehîdan, da. Her wiha axaftvanan, anî ziman ku gelên Efrîn û Şehbayê li dijî êrîşên artêşa Tirk a dagirker û çeteyên wê, destanên dîrokî dinivisînin.

Dayîka şehîd Canxort, tekez kir ku şehîd Cayan wekî kurê wê ye, ji ber ku  malbata wî di merasîma oxirkirina  wî de ne amade ye û ew niha bû dayîka du şehîdan.

Piştî axaftin bi dawî bûn, mamosteya zimanê kurdî Fatime Hisên nasnameya şehîd Cayan Batman xwend û radestî dayîka şehîd Canxort, kir.

Di dawiya merasîmê de, bi dûrişmeyên dilsoziya  bi şehîdan re, cenazeyê Cayan Batman hate, oxirkirin.